Сирия Араб маалымат агенттиги САНАнын аскердик булакка таянып берген кабарына караганда Сирия армиясы Халептин Шейх Максуд жана Эшрефиййе маалаларындагы террордук уюм YPGнын позицияларына карата атайын бомбалоону баштады.
Бул кийлигишүү Сириянын саламаттыкты сактоо министрлигинин бейшемби күнү жасаган билдирүүсүнө караганда Халепте YPGнын кол салууларында каза болгон жарандардын саны бешке жетип, 33 кишинин да жаралануусу менен башталды.
YPG террордук уюму шаардагы турак жайларды үчүнчү күн катары менен бомбалоону улантып, жүздөгөн жаранды үйлөрүнөн качып кетүүгө мажбурлады.
YPG — PKKнын Сириядагы уландысы
Түркия, АКШ жана Европа Биримдиги тарабынан террордук уюм катары кабыл алынган ПКК Түркияга каршы жүргүзгөн террордук актыларында, аялдар, балдар, ымыркайлар жана кары - картаңдар да болгон 40 000ден ашуун кишинин өлүмүнө себеп болду.
САНАнын билдиргенине караганда Халептеги кол салуулар шаардын отурукташуу аймактарын бутага алды. Бир снайпер Шейх Максуд мааласында жарандарды жаралады.
2025-жылдын 10-мартында Сириянын президенттиги YPG уюмунун мамлекеттик органдарга интеграцияланышы боюнча келишимге кол коюлганын жарыялап, өлкөнүн аймактык бүтүндүгүн тастыктап, ар кандай бөлүнүүгө багытталган аракеттерди четке каккан.
Сириялык жетекчилер андан бери YPGнын келишимдин шарттарын аткаруу үчүн эч бир аракет кылбагандыгын айтууда.
24 жыл башкарган Башар Асаддын режими 2024-жылдын 8-декабрында кулатылгандан бери Сирия өкмөтү өлкө боюнча коопсуздукту камсыз кылуу аракеттерин күчөттү.
Сирия өкмөтү өлкө боюнча коопсуздукту камсыз кылуу аракеттерин 24 жылдык бийликтен кийин 2024-жылдын 8-декабрында Башар ал Асаддын режими кулатылгандан бери күчөтүп жатат.
