Европа Кеңешинин төрагасы Антониу Кошта жана Европа Комиссиясынын төрайымы Урсула фон дер Ляйен Нью-Йоркто өткөн БУУнун Башкы Ассамблеясынын алкагында Сириянын президенти Ахмед аль-Шараа менен жолугушту.
Шейшемби күнү X платформасында жарыяланган биргелешкен билдирүүдө, ЕБ лидерлери аль-Шараа менен Сириянын өткөөл мезгилиндеги кыйынчылыктары тууралуу "жакшы пикир алмашуу" болгонун белгилешти.
Билдирүүдө блоктун "чыныгы, камтылган, тынчтыкчыл жана Сирия жетектеген, тышкы зыяндуу кийлигишүүсүз өткөөл мезгилди" колдой турганын дагы бир жолу айтышты.
"Биз саясий диалогду арттырууга, гуманитардык муктаждыктарды канааттандырууга жана Сириянын социалдык-экономикалык калыбына келүүсүнө жана реконструкциясына колдоо көрсөтүүгө умтулабыз", - деп билдиришти.
Сирия режимин 25 жылга жакын башкарган Башар Асад былтыр декабрда Орусияга качып, 1963-жылдан бери бийликте турган Баас партиясынын режими аяктаган жана январда Ахмед ал-Шара жетектеген жаңы өткөөл өкмөт түзүлгөн.
Асад бийликтен кеткенден бери Сириянын жаңы жетекчилиги саясий жана экономикалык реформаларды ишке ашырууга, социалдык биримдикке көмөктөшүүгө, аймактык жана эл аралык өнөктөштөр менен кызматташууну кеңейтүүгө басым жасады.
