Нигериянын түндүгүндө куралдуу кишилердин армиянын үч базасында тинтүү жүргүзүшү менен кеминде 17 аскердин каза болгондугу билдирилди. Коопсуздук булактары жана жергиликтүү бир жетекчи бат - бат зомбулук окуялары болуп турган аймакта болгон акыркы кол салуу болгонун белгиледи.
Түндүк Батышта иш алып барган жергиликтүүлөрдүн арасында «каракчы» деп билинген куралдуу топтор жалпысынан кун алуу үчүн адам уурдап жана коопсуздук күчтөрүн бутага алуу менен белгилүү.
Нигерия армиясы кол салууларды шейшемби күнү ырастады бирок кенен маалымат берилген жок.
Армия тарабынан жасалган билдирүүдө : «Тилекке каршы айрым тайманбас согушкерлерибиз күн бою улантылган кагылышууларда жоготууларга учурады. Кагылышууда жаракат алган төрт аскер азыркы учурда дарыланууда»,- деп айтылды.
Эки коопсуздук булагы куралдуу кишилердин Нигер штатындагы Кванар Дутсе Марига жана Бока аймактарында жана коңшулаш Кадуна штатындагы дагы бир базага күтүүсүз чабуул жасап, аскерлер менен бир нече саат бою кагылышканын билдирди.
Нигерияда коопсуздуктун күчөшү
Маалымат булактары жана Марига аймагынын башчысы Аббас Касувар Гарба 17 өлүмдүн баары Кванар Дутсе Марига базасында болгонун айтты. "Бул буктурма болчу. Алар ар тараптан келип, оор ок-дары менен кол салышты", - деп билдирди Нигерде жайгашкан армиянын жетекчиси.
Өзгөчө Нигерия армиясы каршы чабуулдарды жасап бир нече куралдуу кишини жок кылгандарын маалымдады.
Нигериядагы коопсуздук армиянын куралдуу козголоңчуларга жана түндүк – чыгыштагы Боко Харам жана ДЕАШ террордук уюмдарына караштуу топтор менен күрөшүп жаткандыктан дагы да кыйындап баратат. Нигер штатында Боко Харам террористтери иш алып барган аймактарда аскердик кызматкерлерге карата тузактар курулууда.
