Европа Биримдиги Венесуэланын жаңы дайындалган убактылуу президенти Делси Родригести тааныбай турганын, бирок өлкө бийлиги менен чектелген жана максаттуу байланыштарын улантаарын билдирди.
Шейшемби күнү Брюсселде өткөн күнүмдүк басма сөз жыйынында сөзьсүйлөгөн Европа Биримдигинин тышкы иштер боюнча комиссиясынын өкүлү Анитта Хиппер Биримдиктин Венесуэла боюнча позициясынын өзгһрбөй турганын, азыркы администрацияда демократиялык легитимдүүлүктүн жок экенин кошумчалады.
Хиппер Европа Биримдигинин Венесуэладагы демократияга берилген бардык тараптарды камтыган инклюзивдүү саясий диалогду колдой турганын баса белгилеп, бул процесс "демократиялык жол менен шайланган оппозиция лидерлерин камтышы керек" деп баса белгиледи.
Европа Биримдигинин катчысы Биримдиктин Николас Мадуронун да, Делси Родригестин да легитимдүүлүгүн тааныбай турганын, бирок ошого карабастан өз кызыкчылыктарын жана фундаменталдык принциптерин коргоо үчүн Венесуэла бийлиги менен чектелген жана техникалык деңгээлдеги байланыштарды улантарын билдирди.
Бул билдирүүлөр Родригестин убактылуу президент болуп дайындалышынан кийин Венесуэлада тереңдеген саясий кризистин жана АКШнын Мадурого каршы аскерий операциясынын көлөкөсүндө айтылды.
Мадуронун АКШ аскерлери тарабынан жүргүзүлгөн операциянын алкагында өлкөдөн чыгарылып, жубайы Силия Флорес менен бирге АКШда камакта отурганы билдирилди. Мадуро жана Флорес федералдык деңгээлде баңгизаттарды аткезчилик менен ташууга жана террористтик топтор деп мүнөздөлгөн уюмдар менен кызматташууга айыпталууда.
Хиппер пресс - жыйынында Арктика аймагындагы коопсуздук маселелери боюнча талкууларга кайрылып, аймактык бүтүндүк жана эгемендүүлүк эл аралык укуктун негизги принциптери экенин баса белгиледи.
Ал бул принциптер Европа Биримдиги үчүн гана эмес, бүтүндөй эл аралык коомчулук үчүн милдеттүү экенин айтып, Европа Биримдигинин Дания жана Гренландия эли менен толук тилектештигин билдирди.
АКШнын президенти Дональд Трамп Даниянын автономиялуу аймагы болгон Гренландияны көзөмөлгө алууну каалаганын бир нече жолу билдирип, бул максатка жетүү үчүн аскердик варианттарды жокко четке каккан.
Венесуэлада Мадурого каршы АКШнын аскердик операциясынан бир күн өткөндөн кийин, Трамп жекшемби күнү АКШнын коопсуздук кызыкчылыктарына таянып, Гренландияны Американын көзөмөлүнө алуу чакырыгын кайталады.
Дүйшөмбү күнү көптөгөн Европа өлкөлөрү жана Европа Биримдиги Дания менен Гренландияны колдоо боюнча билдирүүлөрдү таратып, аралдын келечегин тышкы тараптардын аныктай албастыгын жана эгемендүүлүгү менен аймактык бүтүндүгүн сактоо керектигин баса белгилешти.
Мүчө алты мамлекеттин лидерлери жана Улуу Британиянын премьер-министри тарабынан жарыяланган Гренландия боюнча биргелешкен билдирүүдө Европа Биримдигинин институттарынын жоктугу жөнүндөгү суроого жооп берип жатып, Хиппер Биримдиктин жалпысынан мындай билдирүүлөргө дароо комментарий бербей турганын, бирок анын фундаменталдык принциптер боюнча позициясы ачык жана өзгөрүлбөс экенин айтты.
Хиппер Арктика аймагында туруктуулукту сактоо үчүн союздаштар менен тыгыз кызматташуунун маанилүү экенин жана Европа Биримдиги менен жүргүзүлгөн координациянын аймактык коопсуздукту камсыз кылууда маанилүү ролду ойной турганын билдирди.
