Axios Израиль армиясынын палестиналыктарды күч менен көчүрүү үчүн көп кабаттуу имараттарды бутага алган тынымсыз бомбалоосунан кийин Газа шаарын басып алуу үчүн кургактан чабуул баштаганын билдирди.
Axios атын атабаган израилдик расмий өкүлдөргө шилтеме жасап, дүйшөмбү күнү басып алуунун башталганын ырастады.
Бул чыңалуу АКШнын мамлекеттик катчысы Марко Рубио басылып алынган Чыгыш Кудстагы Аль-Акса мечитинин жанында премьер-министр Биньямин Нетаньяху менен жолуккандан кийин күчөдү.
Эки израилдик расмий өкүл, Рубионун Нетаньяхуга Трамп кургактан чабуулду колдой турганын, бирок анын тез арада ишке ашырылып, аякташын каалаганын айтты.
Кабарда израилдик жогорку даражалуу бир аткаминердин “Рубио кургактыктан операцияны токтотууга аракет жок”, – дегени жазылган. Америкалык аткаминер ошондой эле Трамп Нетаньяхуну токтотпой турганын жана Израилдин Газадагы геноцид боюнча өз алдынча чечим чыгаруусуна мүмкүнчүлүк берерин да кошумчалады.
Америкалык аткаминер: "Бул Трамптын эмес, Бибинин согушу жана мындан ары эмне болсо дагы жоопкерчилик ага таандык болот" деди.
Этникалык тазалоо жана толук жок кылуу
Израилдин коопсуздук башчылары, анын ичинде армиянын штаб башчысы генерал-лейтенант Эял Замир, Нетаньяхуну бул кадамга каршы эскертип, мунун көбүрөөк жоготууларга жана ХАМАСка каршы жеңилүүгө алып келиши мүмкүн экенин айтты.
Буга чейин БУУнун Палестина боюнча атайын баяндамачысы Франческа Албанезе Израилдин Газага жасаган чабуулдарын айыптап, бул кол салуунун Газаны жашоого жараксыз кылууну максат кылганын жана этникалык тазалоо планынын бир бөлүгү экенин айткан.
Женевада өткөн маалымат жыйынында сөз сүйлөгөн Албанезе Израилдин Газанын эң чоң шаар борборуна жасаган агрессиясы “толук кыйроого” барабар экенин билдирди.
“Газанын акыркы бөлүгүн басып алуу үчүн жасалып жаткан чабуул палестиналыктарды гана кыйратпастан, калган израилдик туткундардын коопсуздугун да коркунучка салат”, – деди.
