Австралиянын премьер-министри Энтони Албаниз 15 киши каза болгон кандуу Бонди пляжына жасалган кол салууда кол салуучулардын бирин токтоткон мусулман баатыр Ахмед ал - Ахмедди шейшемби күнү Сиднейдин түштүгүндөгү Сент-Жорж ооруканасына барып көрдү.
Аль-Ахмеддин ооруканада керебетинин жанында сүйлөгөн Альбаниз, эки баланын атасы 43 жаштагы кишинин көрсөткөн эрдигин мактап, аны террорго каршы улуттук биримдиктин символу деп мүнөздөдү.
«Ахмед, сен Австралиянын баатырысың. Башкаларды коргоо үчүн өзүңдү тобокелге салдың. Кыйын учурларда австралиялыктардын мыкты жактарын көрүп жатабы»,- деп жазды Албаниз Х эсебиндеги билдирүүсүндө.
Аль - Ахмед кол салуучулардын биринин куралын тартып алып, аны багынып берүүгө мажбурлаган. Бирок ошол учурда өзү катуу жаракат алган. Ага бир нече ок тийип, колу жана ийини жабыркаган. Дарыгерлер Аль - Ахмеддин абалынын туруктуу экенин билдиришти.
Аль - Ахмедди көргөндөн киийн журналисттерге маалымат берген Албаниз коркуу же жек көрүүнүн өлкөнү бөлүүсүнө уруксат бербеши керектиги тууралуу эскертти.
«Террористтер дал ушуну көздөп жатышат, бирок биз өлкөбүздүн бөлүнүшүнө жол бербейбиз. Биз биримдикте болобуз жана бул кыйынчылыкты бирге жеңебиз», - деди Албаниз.
15 адам каза болуп, 41 адам жараланды
Полиция кол салуунун жекшемби күнү кечинде Бонди пляжында 50 жаштагы киши менен 24 жаштагы уулунун элге карата ок атуусу менен башталганын билдирди. Кол салуудан 15 адам каза болуп, кеминде 41 киши жаракат алып, Сиднейдеги ооруканаларга жеткирилди.
Полициянын маалыматы боюнча, кол салгандардын бири окуя болгон жерде атып өлтүрүлгөн, ал эми оор жаракат алган экинчи кол салуучу камакта. Жетекчилер бул окуяны расмий түрдө "террористтик акт" деп таанып, ыктымалдуу себептерди жана байланыштарды иликтөөнү улантууда.
Австралияны дүрбөлөңгө салган бул кол салууда каза болгондор үчүн көңүл айтылып Сиднейдин түрдүү аймактарында желектер жарымга түшүлүрлдү жана дүйшөмбү күнү түнү менен жээкте эскерүү салтанаты өткөрүлдү.
Өлкө аза күтүүдө, жетекчилер кол салгандардын кандай ишке ашкандыгы тууралуу териштирүү уантылып жаткандыктан кошумча коопсуздук чараларынын күчүндө каларын билдирди.
