Зеленский социалдык медиадагы билдирүүсүндө Орусиянын Украинага каршы абадан жасаган соккулары тууралуу маалымат берди.

Ал акыркы бир жумада өлкөсүнүн ар кайсы аймактарына жасалган чабуулдарда 2200дөн ашык дрон жана болжол менен 1650 башкарылуучу бомба колдонулганын жана 38 ар кандай типтеги ракеталар да атылганын билдирди.

"Түндөгү чабуулдарда төрт адам каза болду"

Зеленский ошондой эле орус аскерлери бүгүн кечинде Украинанын Киев, Харьков, Полтава, Николаев, Сумы, Херсон жана Житомир аймактарындагы жарандык жана энергетикалык инфраструктураны бутага алганын билдирди.

Запорожье аймагына жана борбор шаар Киевге жасалган чабуулдарга токтолгон Зеленский: "Орустар бүгүн эртең менен Киевдеги маалымат борборуна эки чабуул жасашты. Биринчи чабуулда үч адам жаракат алды, алардын экөөсү балдар", - деп билдирди.

Башка жагынан алганда, Украинанын Аскер-аба күчтөрүнүн командачылыгынын жазуу жүзүндөгү билдирүүсүндө Орусия бүгүн кечинде учурган 170 дрондун 147си жок кылынганы кабарланган.

Билдирүүдө ошондой эле Украинанын ар кайсы аймактарына абадан сокку уруу уланып жатканы белгиленген.