Быйыл 21-24-май аралыгында өткөрүлүп жаткан жана TRT маалыматтык өнөктөшү болгон фестивалдын ачылышы Стамбул Ататүрк аэропортунда орнотулган Хан чатырынын алдында өттү, анда студенттер Гүлбанк салтынын коштоосунда өнөр көрсөтүштү. Андан кийин Стамбул тарыхый түрк музыкалык ансамблинин мехтеран тобу сахнага чыкты.

Ачылышта сөз сүйлөгөн Дүйнөлүк этноспорт конфедерациясынын президенти Билал Эрдоган фестивалда маданий байлыктардын биргеликте даңазаланарын билдирди.

Конокторду тосуп алган Билал Эрдоган фестивалда негизинен күрөш жана ат спорту сыяктуу ар кандай иш-чаралардын өткөрүлөрүн айтты.

Эрдоган фестивалдын алкагында өткөрүлүүчү иш-чаралар аркылуу балдар жана үй-бүлөлөрдүн салттуу маданият менен тааныша аларын билдирип: "Бул жылы да бул жерде 4 күн бою маданиятыбыздын байлыгын биргеликте көрөбүз. Балдарыбыз, улууларыбыз менен үй-бүлөбүз менен бирге салттын жытын, абасын алып, дүйнөнүн төрт бурчунан келген конок артисттерди, спортчуларды, маданият адамдарын чогуу тосуп алабыз. Бүгүн бул жерге келген балдар маданий байлыктын канчалык баалуу, канчалык маанилүү экенин билишет", - деди.

Стамбулдун эл аралык деңгээлдеги маанисине көңүл бурган Эрдоган, куттуктоо сөзүнөн кийин балдар менен бирге лента кесип, фестивалдын расмий ачылышын жасады.