Түркия президентинин орун басары Жевдет Йылмаз бүгүн расмий иш сапары менен Кыргызстанга барат.

Йылмаз программасынын биринчи күнүндө Ата-Бейит улуттук тарыхый-мемориалдык комплексиндеги Үркүн эстелигине жана кыргыз жазуучусу Чыңгыз Айтматовдун күмбөзүнө зыярат кылат. Ал Кыргыз Республикасынын Президенти Садыр Жапаровдун кабыл алуусунда болуп, Кыргыз-Түрк «Манас» университетинин (КТМУ) 30 жылдык мааракелик концертине катышат жана Кыргызстандын борбору Бишкекте түрк бизнес чөйрөсүнүн өкүлдөрү менен жолугушат.

Сапарынын экинчи күнүндө 18-сентябрда Йылмаз Бишкекте Кыргызстандын Министрлер кеңешинин төрагасы Адылбек Касымалиев менен жолугушуп, Түркия-Кыргызстан Өкмөттөр аралык Биргелешкен экономикалык комиссиясынын 12-кезектеги жыйынына жана Биргелешкен экономикалык комиссиясынын протоколуна кол коюу аземине катышат.

Ушул эле күнү Түркия-Кыргызстан бизнес форумуна катыша турган Йылмаз, Кыргыз-Түрк «Манас» университетине барат, Түрк Мамлекеттер Уюмуна (ТМУ) мүчө мамлекеттердин өкмөт башчыларынын/вице-президенттеринин жыйынына жана ушул алкакта Кыргыз Республикасынын Президенти Садыр Жапаров менен өткөрүлө турган биргелешкен жыйынга катышат.