Түркия Республикасынын Улуттук коргоо министрлигинин билдирүүсүнө ылайык, Анкара менен Париждин ортосундагы аскердик кызматташтык иш-чараларынын алкагында жогорку деңгээлдеги сүйлөшүүлөр өттү.

Ушул алкакта Франциянын Куралдуу күчтөр жана ардагерлер министринин алдындагы министр Алиса Руфо, Франциянын президентинин аскердик атайын штабынын башчысы, генерал Винсент Жиро жана Эл аралык мамилелер жана стратегия боюнча башкы директор Гийом Ольняе менен кеңири сүйлөшүүлөр өткөрүлдү.

Жолугушууларда эки тараптуу коргонуу жана аскердик карым - катнаштардын учурдагы абалы жана стратегиялык диалог процесстери каралды. Тараптар коргонуу өнөр жайында жана аскердик тармактарда кызматташууну өнүктүрүү мүмкүнчүлүктөрүн баалап, үзгүлтүксүз жана натыйжага багытталган байланыштарды сактоонун маанисин тастыкташты. Жолугушуулардын эң маанилүү жыйынтыгы "Коргонуу кызматташтыгы боюнча жол картасына" кол коюу болду. Бул кадам эки өлкөнүн ортосундагы коргонуу кызматташтыгын жогорку деңгээлге көтөрүүгө жана стратегиялык диалог үчүн структуралаштырылган алкакты түзүүгө багытталган.

Бул кол коюу  акыркы мезгилде Түркия жана Франция лидерлери тарабынан берилген өз ара оң билдирүүлөрдүн, коргоо тармагында конкреттүү кызматташтыкка айланганын көрсөттү. Жол картасы менен эки өлкөнүн өз ара пайдасына негизделген стратегиялык кызматташтыкты тереңдетүү жана аймактык коопсуздук маселелеринде жакын диалог механизмин ишке киргизүү максатталууда.