Түркиянын Тышкы иштер министрлиги 1944-жылдын 14-ноябрында Ахыска аймагынан Советтер Союзунун алыскы аймактарына сүргүнгө айдалган ахыска түрктөрүн эскерди.
Министрликтин жазуу жүзүндөгү билдирүүсүндө ошол кездеги депортациянын натыйжасында болжол менен 100 миң ахыска түркү мекенинен күч менен көчүрүлгөнү белгиленди.
Билдирүүдө сүргүн учурунда миңдеген адамдардын каза болгону, аман калгандары оор шарттарга карабастан өздөрүнүн тилин, маданиятын, үрп-адаттарын жана каада-салттарын сактап калганы айтылды.
«Депортациянын 82 жылдыгында ахыска түрктөрү башынан өткөргөн кайгыны терең сезип, каза болгондорду эскеребиз», — деп айтылды билдирүүдө.
Ошондой эле Түркиянын ахыска түрктөрүнүн тарыхый мекенине кайтып келүү процессин кылдат көзөмөлдөп, аларды мындан ары да колдой тургандыгы баса белгиледи.
