Россиянын тышкы иштер министринин орун басары Сергей Рябков Россиянын АКШ жана Украина менен үч тараптуу саммит өткөрүүнү күтпөгөнүн, бирок Москва менен Вашингтондун быйыл эки тараптуу сүйлөшүүлөрдү өткөрүшү мүмкүн экенин билдирди.
Рябков Россиянын расмий маалымат агенттиги ТАССка берген маегинде тышкы иштер министри Сергей Лавров менен АКШнын мамлекеттик катчысы Марко Рубионун Нью-Йоркто БУУнун Башкы ассамблеясынын 80-сессиясынын алкагында жолугуша аларын айтты.
«Жолугушууну уюштуруу процесси дагы эле талкууланууда. Менин оюмча, жолугушуу болушу ыктымалдыгы жогору",- деди Рябков.
Рябков июль айында Стамбулда өткөн Россия - Украина сүйлөшүүлөрүнүн үчүнчү айлампасында айтылган үч тараптуу формат сунушуна Киевдин азырынча жооп бере электигин кошумчалады.
Дипломатиялык пикир келишпестиктерди жөнгө салууга багытталган келечекте болушу ыктмал Россия - АКШ кеңештерине токтолгон Рябков процесстин бир нече жолу жылдырылганын, бирок логистикалык себептерден эмес экендигин белгиледи.
Министрдин орун басары: «Биз токтоп калуунун ордуна, конкреттүү прогресске жетишүүнү каалайбыз», - деди жана Москванын мындай сүйлөшүүлөрдү «күздүн аягына чейин» өткөрүүгө үмүттөнөрүн кошумчалады.
Рябков Вашингтондун Украинага карата мамилесине да токтолду.
Рябков : «Америкалыктардын бардык идеялары бизге ылайык болбосо да, жалпысынан акыл-эске негизделгендигин ойлоп жатабыз",- деди.
Европада Россия менен сүйлөшүүгө каршы жана «Россияны чөгөлөтүүнү" каалаган " ашыкча милитаристтерди» сындаган Рябков бул адамдардын «сезимталдуулук менен баа берген үндөрдү бастыргандыгын» айтты.
Министринин орун басары: “Европанын паранойясы Вашингтондогу акыл-эсти баспасын”, – деди.
АКШнын президенти Дональд Трамптын Европа колдонгон орус энергетикасын Американын экспорту менен алмаштыруу чакырыктарына токтолгон Рябков мындай сунуштарда «жаңы нерсе эмес" деп, Россиянын энергетика тармагынын атаандаштыкка даяр экенин баса белгиледи.
Рябков негизги маселе Вашингтондун карым - катнаштарды өнүктүрүү идеясына берилген бойдон калабы же жокпу, бул Трамп менен Россиянын президенти Владимир Путиндин өткөн айда Анкориджде (Аляскада) болгон жолугушуусунда белгиленген жол экенин айтты.
