Түркиянын президенти Режеп Таййип Эрдоган жаңы жылдын биринчи күнүндө Стамбулда өткөн Палестина митингин «тарыхый учур» деп мүнөздөп, анын «Палестина жалгыз эмес» деген так билдирүү бергенин айтты.
Эрдоган жума күнкү билдирүүсүндө: "Нетаньяху деп аталган бул фараондун кылган иштери жазасыз калбайт. Анткени ал 7 жаштан 70 жашка чейинки көптөгөн бейкүнөө адамдардын убалына калды. Бул наристелердин убалы жөн калбайт", — деди.
Израилдин Газадагы аракеттерин жана ал жердеги гуманитардык кырдаалдын начарлашын айыптаган президент: "Телевизор экрандарынан көргөн шамалда, жамгырда жана баткакта жаткан балдардын абалы, албетте, алардын убалы Нетаньяхуга пайда алып келбейт", - деди.
Эрдоган жума намазынан кийин берген маалыматында, АКШнын президенти Дональд Трамп менен дүйшөмбү күнү телефон аркылуу сүйлөшө турганын билдирди.
Эрдоган Стамбулда жасаган билдирүүсүндө: "Дүйшөмбү күнү саат 16:00 чамасында Трамп менен дагы бир жолу сүйлөшөбүз. Россия менен Украинанын ортосундагы маселелерди, ошондой эле Палестинадагы кырдаалды талкуулоо мүмкүнчүлүгүн табабыз", — деди.
«Палестинаны унутпайбыз»
Бейшемби күнү эртең менен Стамбулда Галата көпүрөсүндө "Адамзат альянсы" жана "Улуттук эрк платформасы” деген ат менен уюштурулган Палестинаны колдоо жүрүшүнө 520 000ге жакын адам чогулду.
400дөн ашык бейөкмөт уюмдардын катышуусунда жана Түрк жаштар фондунун (TÜGVA) жетекчилиги астында өткөн бул акция "Баш ийбейбиз, унчукпай калбайбыз, Палестинаны унутпайбыз" деген ураан алдында өттү.
Катышуучулар Газадагы геноцидди токтотууга чакырышты.
Израиль 2023-жылдын октябрында башталып, Газадагы конуштарды талкалаган геноциддик согушунда көпчүлүгү балдар менен аялдар болгон 71 000ден ашык палестиналыкты өлтүрдү.
2025-жылдын октябрында ок атышпоо келишими күчүнө кирген, бирок Израиль эреже бузууларды улантууда.
