Россиянын Коргоо министри Андрей Белоусов дүйшөбү күнү жасаган билдирүүсүндө дрон кол салууларына каршы коргонуу аракеттеринин алкагында Россиянын ноябрь айынын акырына чейин абадан коргонуу системасына жасалма интеллект менен иштеген чечим кабыл алуу механизмин киргизүүнү пландап жатканын жарыялады.
Москвада аскердик кабарчылар менен жыйын өткөргөн Белоусов жасалма интеллект демилгеси жыл аягына чейин бүткөрүлүшү пландалган жети коргонуу долбоорунун бири экенин жана аны жарандык компаниялар менен биргеликте иштеп жатышканын айтты.
Белоусов : “Абадан коргонуу тармагында бул темада учурда ативдүү иштеп жатабыз. Бул жылдын акырына чейин ике ашыруубуз керек болгон жети долбоордун бири. Жыйынтыгы ноябрь айынын аягына чейин чыгышы күтүлүүдө”,- деди.
Белоусов Россиянын апрель айынан бери дрон чабуулдары боюнча кырдаалды маалымдоону жогорулатуу үчүн интеграцияланган маалымат системасын түзүп жатканын айтып, командирлерге буталарды аныктоого, согуш талаасын көзөмөлдөөгө жана согуштук операцияларды башкарууга мүмкүндүк берүүчү тактикалык деңгээлден баштап программалык камсыздоо орнотулганын кошумчалады.
Андрей Белоусов ошондой эле РОссиянын Украинадагы согуштук операцияларга катышкан бардык аскердик бөлүктөрдө дрондорго каршы катмарлуу коргонуу системасын түзгөнүн жана дрондорго каршы туруу үчүн мобилдик ок атуучу бөлүктөрүн активдүү жайгаштырып жатканын айтты.
Белоусов Россиянын аймактарына да, Украинадагы орус күчтөрүнө да дрон коркунучтарынын мүнөзү ар бир эки-үч ай сайын өзгөрүп тураарын айтып, коргонуу чараларын дайыма адаптациялоо зарылдыгын баса белгиледи.
