«The Wall Street Journal» (WSJ) гезити маселеге жакын булактарга таянып жазгандай, АКШ президенти Дональд Трамптын күйөө баласы жана атайын өкүлү Жаред Кушнер акыркы айларда Украина боюнча жабык сүйлөшүүлөрдө Донбассты Россияга өткөрүп берүү шарты менен Украинанын НАТОго мүчө болушу идеясын көтөргөн.
Булактардын маалыматына караганда, Трамп Украинанын НАТОго мүчөлүгүнө каршы экенин ачык билдирип келгенине карабастан, Кушнер жана тынчтык боюнча атайын өкүлү Стив Виткофф акыркы жолугушууларда бул маселени бир нече жолу талкууга алып чыгышкан.
Эки сценарий күн тартибинде
Булактар бул маселе өткөн аптада Дублинде Жаред Кушнер, Стив Виткофф жана Украинанын президенти Владимир Зеленскийдин жолугушуусунда да талкууланганын билдиришти.
Алардын айтымында, АКШ сүйлөшүүлөрдө эки сценарийди сунуштаган. Биринчиси — Украинанын НАТОго мүчө болушу үчүн Донбасс аймагын Россияга өткөрүп берүү.
Экинчи сценарий Донбасс Украинанын көзөмөлүндө калат, тараптар ок атышууну токтотот. Ал эми Украина АКШ жана Европа өлкөлөрү менен түзүлгөн келишимдин негизинде Россиянын чабуулдарынан коргоону көздөгөн коопсуздук кепилдиктерин алат.
Булак: The Wall Street Journal (WSJ)













