ДҮЙНӨ
1 мүнөт окуу
ЕБдан Украинада ыктымалдуу тынчтык келишими үчүн коопсуздук кепилдиктерин талап кылды
ЕБ өкүлү Кайса Оллонгрен Украинадагы согушту токтотуу келишими Россиянын кайра куралданып, чабуул жасоосуна бөгөт койгон коопсуздук кепилдиктерин камтышы керектигин билдирди.
ЕБдан Украинада  ыктымалдуу тынчтык келишими үчүн коопсуздук кепилдиктерин талап кылды
Европа тышкы байланыштар кызматынын (EEAS) башкы катчысы Кайса Оллонгрен / AFP (Wire) / AFP (Wire)

Оллонгрен бул тууралуу ЕБнин тышкы иштер жана коопсуздук саясаты боюнча жогорку өкүлү Кая Калластын ордуна Брюсселдеги Европа Парламентинде өткөн Шуман коопсуздук жана коргонуу форумунда сөз сүйлөдү.

Оллонгрен Россиянын буга чейинки аракеттери анын келечектеги милдеттенмелерине ишенүүгө негиз бербей турганын белгилеп, ыктымалдуу тынчтык келишими жөн гана саясий декларация менен чектелбеши керектигин айтты.

Оллонгрен тынчтык келишими Россиянын Украинаны кайра куралдандырып, кайрадан кол салуусуна жол бербөөчү кепилдиктерди камтышы керектигин белгилеп:«Сокур ишеним — бул жөн гана коркунуч жок кездеги кыял»,- деди.

Ал эл аралык укукту бузган мамлекеттер жоопкерчиликке тартылбаса, башка өлкөлөр да ушундай кадамдарга барышы мүмкүн экенин эскертип, дүйнөдө Экинчи дүйнөлүк согуштан берки эң көп куралдуу кагылышуулар болуп жатканын белгиледи.

Оллонгрен ЕБнын Эл аралык кылмыш сотун (ЭКС) колдой турганын жана Украинага каршы агрессия кылмышын териштирүү үчүн атайын сот түзүү сыяктуу жаңы механизмдерди жактай тургандыгын айтты.

Европа Биримдигине мүчө мамлекеттердин коргонуу чыгымдары 400 миллиард евродон ашты

Оллонгрен Европа Биримдигинин ишенимдүү коопсуздук өнөктөшү болуу үчүн коргонуу мүмкүнчүлүктөрүн чыңдоосу керектигин айтып, мүчө мамлекеттердин жалпы коргонуу чыгымдары 400 миллиард евродон ашаарын, бул Биримдиктин ички дүң продуктунун (ИДП) 2,2 пайызына туура келерин белгиледи.

Акыркы 20 жылда Европа Биримдигинин аскердик жана жарандык операцияларына 45 өлкө персоналдык, операциялык кубаттуулук жана эксперттик колдоо көрсөткөнүн жана Түркиянын бул салым кошкон өлкөлөрдүн катарына киргендигин айтты.

Иликте
Кремль: Путин, Си Цзиньпин жана Трамп 19-ноябрда үч тараптуу саммит өткөрүшөт
Тышкы иштер министрлиги ахыска түрктөрүн эскерди
Мекке келишими ишке кирди
Россия Европанын Украина боюнча тынчтык сүйлөшүүлөрүнө катышуусун анын «чын ниетине» байланыштырды
Түркия менен Катар лидерлеринин Стамбулдагы жолугушуусунда тарыхый коргонуу келишимине кол коюлду
Рютте Түркиянын НАТОдогу ролун баса белгиледи
Россиянын Волгоград шаарында дрон чабуулунан 4 адам каза болду
Зеленский Россиянын бүгүнкү күнгө чейинки эң ири туткун алмашууну бекиткенин билдирди
Түрк министри COP31де эскертти: "Мөңгүлөрдүн жоголушу дүйнөлүк суу ресурстарына коркунуч келтирет"
Судандын Дарфур аймагында үч күндүн ичинде 5 275 адам жер которууга аргасыз болду
АКШнын президенти Трамптын атайын өкүлдөрү Москвада орус лидери Путин менен жолугушту
Израиль: "CENTCOM армияга Иранга каршы жаңы чабуул ыктымалдуулугуна даяр болуу билдирүүсүн жөнөттү"
Малатияда S-70 үлгүсүндөгү тик учак кырсыкка учурап, төрт аскер шейит болду
Кызыл Чырым: "Газадагы жер которгон үй-бүлөлөр катуу суукка туш болууда"
Түркиянын А улуттук баскетбол командасы Черногорияны 79-62 эсебинде жеңди