АКШнын мамлекеттик катчысы Марко Рубио Армения менен Азербайжандын ортосундагы тынчтык келишимин кубаттап, аймакта туруктуу коопсуздук жана гүлдөп-өнүгүүнүн маанилүүлүгүн баса белгиледи.
Мамлекеттик департаменттин басма сөз катчысы Тэмми Брюс шейшембиде Рубио менен Армениянын премьер-министри Никол Пашиняндын телефондук сүйлөшүүсүнөн кийин жасаган билдирүүсүндө: «Мамлекеттик катчы Азербайжан менен түзүлгөн тынчтык келишимин кубаттады жана аймактык чыр-чатактын айлампасын бузуп, Түштүк Кавказга коопсуздук жана гүлдөп-өнүгүү алып келе турган туруктуу тынчтыктын маанилүүлүгүн баса белгиледи”,-деди.
Билдирүүдө Рубио менен Пашиняндын Түштүк Кавказда чыңалуунун күчөшүнүн кабыл алынгыс экени боюнча макулдашканы айтылды.
Эки тарап ошондой эле өз өлкөлөрүнүн ортосундагы стратегиялык өнөктөштүктүн негизинде жалпы кызыкчылыктарды чечүү аркылуу эки тараптуу кызматташтыкты чыңдоого умтуларын дагы бир жолу ырасташты.
Бул телефондук сүйлөшүү Азербайжан менен Армениянын көп жылдык жаңжалды токтотуп, Баку менен Еревандын ортосунда дипломатиялык байланыштарды түзүүгө багытталган тынчтык келишиминин долбоору боюнча макулдашканын жарыялагандан бир нече күн өткөндөн кийин болду.
