АКШнын президенти Дональд Трамп жекшемби күнү Ирандын расмий өкүлдөрү өлкөнүн өзөктүк программасы боюнча ыктымалдуу сүйлөшүүлөрдү талкуулоо үчүн АКШга кайрылганын, мунун дипломатиялык мүмкүнчүлүктү көрсөтүп турганын айтты.
Флоридадан Вашингтонго бара жатканда Air Force One учагында журналисттерге маалымат берген Трамп ишемби күнү ирандык жетекчилер байланышып сүйлөшүү өткөрүүнү сунуштагандарын айтты.
"Кечээ чалышты. Иран кечээ сүйлөшүү өткөрүү үчүн байланышты", - деди президент. "Менимче АКШ тарабынан тынымсыз кысымга алынуудан тажашты. Иран сүйлөшкүсү келет".
Трамп сүйлөшүүлөргө даярдыктар көрүлүп жатканын айтты, бирок ал жердеги окуялар АКШны сүйлөшүүлөрдөн мурда чара көрүүгө мажбурлашы мүмкүн экенин эскертти.
Иранда декабрь айынын аягынан бери улуттук валютасынын кескин девальвацияланышынан жана экономикалык абалдын начарлашынан улам нааразычылык акциялары уланып келе жатат.
Трамп буга чейин Ирандагы кырдаалга кылдаттык менен байкоо салып жатканын жана эгерде нааразычылык акцияларынан каза болгондордун саны көбөйө берсе, "өтө күчтүү варианттарды" карап чыгаарын айткан.
