ЭОКтун билдирүүсүнө ылайык, 2036-жылкы Олимпиада оюндарын өткөрүүнү каалаган жана ЭОК менен "үзгүлтүксүз диалогдо" турган талапкерлер - Түркия, Германия, Венгрия, Индия, Катар, Түштүк Корея жана Түштүк Африка.
31-октябрдан кийин жаңы талапкерлер кабыл алынбайт. Талапкер шаарлардын долбоорлору ноябрь айында ЭОК комиссиясына виртуалдык түрдө сунушталат.
Билдирүүдө ЭОКтун Аткаруу кеңеши 2027-жылдын мартында талапкерлердин акыркы тизмесин жарыялап, "стратегиялык диалог" этабын баштай турганы айтылды. Бул этапта талапкер шаарга юридикалык жана каржылык кепилдиктер көрсөтүлөт, комиссия болсо талапкер аймактарга барууларды жүргүзөт.
Кабыл алуучу шаар 2029-жылдын ортосунда өтө турган ЭОКтун сессиясында мүчөлөрдүн добушу менен аныкталат.
Талапкер долбоорлору; имаратты пландаштыруу жана спортчунун тажрыйбасы, каржылоо стратегиясы, саясий жана коомдук колдоо, уюштуруучулук мүмкүнчүлүктөр жана кабыл алуучу коомчулуктарга узак мөөнөттүү пайда алып келе турган мурас стратегия сыяктуу техникалык критерийлерге ылайык каралат.
