АКШнын президенти Дональд Трамп дүйшөмбү күнү The New York Times гезитине каршы 15 миллиард долларлык жалаа жана каралоо доо арызын бергенин жарыялады.
Трамп өзү ээлик кылган Truth Social платформасында “Бүгүн мен өлкөбүздүн тарыхындагы эң жаман жана коррупциялашкан гезиттердин бири болгон Нью-Йорк Таймска каршы 15 миллиард долларлык жалаа жана каралоо доо арызын бердим”, - деп жазды.
Трамп гезитти Демократиялык партиянын “катчысы” болуп калды деп айыптады.
“Мен муну ушул учурга чейинки эң чоң мыйзамсыз шайлоо үгүтүнө салым катары карайм. Камала Харристин талапкерлигин колдоосу The New York Times гезитинин биринчи бетине жайгаштырылган, бул буга чейин болуп көрбөгөн нерсе эле!” - деди.
Трамп ошондой эле гезитти өзүнө жана анын союздаштарына карата “көп жылдар бою жалган маалымат таратуу ыкмасын колдонуп келген” деп сынга алды.
“The New York Times мага карата жалган маалымат таратып, каралап, жалаа жабуу укугуна ээ болду, эми бул токтойт!” - деп билдирди.
