Кремлдин басма сөз катчысы Дмитрий Песков жума күнү Түркиянын эгемен мамлекет катары Россия менен кайсы тармакта кызматташып, кайсыл тармакта кызматташпай турганына өзү чечим чыгарарын айтты.

Песков Москвада журналисттердин суроолоруна жооп берип, «Түрк агымы» жана «Көгүлтүр агым» жаратылыш газ түтүктөрү толук кубаттуулукта иштеп жатканын баса белгиледи. Басма сөз катчысы Түркия менен Россиянын ортосундагы соода-экономикалык кызматташтыктын уланып жатканын белгиледи.

Песков: «Түркия эгемендүү мамлекет, Россия менен кайсы тармактарда кызматташаарынчечим чыгара ала турган эгемендүү мамлекет",- деди.

НАТОнун орус учактарына байланыштуу дооматтары

Песков НАТОнун кээ бир дипломаттарынын орус согуштук учактары союздаштардын аба мейкиндигине кирсе атып түшүрүлүшү керек деген билдирүүлөрүнө да жооп берди.

Песков: «Мен бул тууралуу сүйлөшкүм  келбейт; бул өтө жоопкерчиликсиз билдирүү»,-деп, аба мейкиндигин бузгандыгы тууралуу дооматтарды «негизсиз» деп четке какты.

Песков орус согуштук учактарынын эл аралык эрежелерге ылайык иш алып барганын жана мыйзам бузуулар боюнча ишенимдүү далил көрсөтүлбөгөнүн баса белгиледи.

Зеленскийдин билдирүүлөрү

Песков  Украинанын президенти Владимир Зеленскийдин согуш улана турган болсо Кремлдин жетекчилеринин “жакынкы баш калкалоочу жайдын кайда экенин билиши керек” деген коркутууларын да четке какты.

Песков Зеленскийдин Европадагы колдоочуларына өзүн көрсөтүүгө аракет кылып жатканын айтып: "Оң-солду коркутуп жатат, ойлонбостон сүйлөп жатат",- деди.

Зеленскийдин билдирүүлөрүнүн Киевдин тынчтыкка караганда согушка көбүрөөк көңүл бурганын көрсөткөнүн айткан Песков: «Фронттогу чыныгы абал башка окуяны көрсөтүүдө: Украинанын позициясы жана сүйлөшүүлөрдөгү позициясы күн сайын начарлап баратат», - деди.