Ирандын тышкы иштер министри Аббас Аракчи АКШнын Ирандын АКШга же АКШ күчтөрүнө карата куралдуу кол салуу пландаган деген ырастоолорун четке кагып, бул айыптоону «толугу менен жалган» деп мүнөздөдү.
X социалдык тармагындагы баракчасында билдирүү жарыялаган Аракчи: «Ирандын АКШга же анын күчтөрүнө каршы алдын ала же эскертүүчү чабуул пландап жаткандыгы тууралуу дооматтар — толугу менен жалган», — деп билдирди. Министрдин айтымында, мындай айыптоолор «Operation Epic Mistake» (Тарыхый ката операциясы) деп аталган аракеттерди негиздөө максатын көздөйт. Ал бул операцияны «Израиль тарабынан пландалып, карапайым америкалыктар тарабынан каржыланган кооптуу окуя» деп мүнөздөдү.
Аймактык чыңалуу Израиль менен АКШнын Иранга биргелешкен соккусунан кийин күчөдү.
Тегеран Израилге, Иорданияга, Иракка жана АКШнын аскерlbr объектилери жайгашкан Перс булуңу өлкөлөрүн бутага алган дрон жана ракеталык кол салуулар менен жооп кайтарды.
Болжол менен 10 000 жарандык объектилер бутага алынды
Ирандын Бириккен Улуттар Уюмундагы элчиси АКШ менен Израилдин биргелешкен чабуулдары согуш башталгандан бери 1300дөн ашык жай тургундун өлүмүнө алып келгенин билдирди.
Ирандык элчинин билдирүүсүнө караганда, өлкө аймагындагы чабуулдар жарандык инфраструктураны атайылап бутага алып, ушул күнгө чейин 9 669 жарандык объект жок кылынды.
Элчи чабуулдардын натыйжасында 32 саламаттыкты сактоо мекемеси, 65 мектеп, Иран Кызылай коомуна таандык 13 имарат жана бир нече энергетикалык объекттерге сокку урулганын белгиледи. Ошондой эле, Тегеран жана башка шаарлардагы күйүүчү май кампалары бутага алынып, бул уулуу заттардын абага бөлүнүп чыгышына алып келген. Мындай абал жарандардын, өзгөчө балдардын ден соолугу үчүн олуттуу коркунуч туудурууда.
Иран тарап жарылуулардан улам келип чыккан экологиялык булгануунун калк арасында олуттуу медициналык кооптонууларды жаратып жатканын эскертти.
Элчи мындан тышкары, чабуулдардын Бириккен Улуттар Уюмунун Уставын жана 1961-жылдагы Дипломатиялык карым - катнаштиа тууралуу Вена конвенциясын одоно түрдө бузгандыгын баса белгиледи.
