Starbucks жүздөгөн кызматкерин жумуштан чыгарып, ондогон дүкөнүн жабарын жарыялады.

Америка Кошмо Штаттарында жайгашкан кофе тармагы бейшемби күнү жасаган билдирүүсүндө, компаниянын Түндүк Америка континентинде иштеген дүкөндөрүнүн саны 2025-финансылык жылында болжол менен 1 пайызга азая турганын билдирди.

Билдирүүдө : “Каржы жылын АКШ менен Канада боюнча компания башкарган жана лицензияланган жалпысынан 18 300гө жакын Starbucks жайгашкан жер менен аяктайбыз",- деп айтылды.

Компания чекене эмес кызматкерлердин санын жана чыгымдарын кыскартып жатканын айтып: «Бул учурдагы 900гө жакын чекене эмес кызматкердин ордун кыскартуу жана көптөгөн бош орундарды жабуу сыяктуу оор чечимдерди камтыйт»,- деп билдирди.

Starbucks кызматкерлерди мүмкүн болушунча жакын жерлерге которууга аракет кылаарын жана кызматкерлерди тез арада колдой турганын билдирди. Бирок башкалар үчүн компания "кеңири компенсациялык пакеттерди" сунуштай турганын билдирди.

Starbucks компаниясынын дүйнөлүк сатуу көлөмү каржы жылынын үчүнчү чейрегинде 2 пайызга төмөндөгөн. Экинчи жана биринчи чейректерде да компания төмөндөөлөрдү каттаган.