Yonhap кабар агенттигинин Түштүк Кореянын Тышкы иштер министрлигине таянып билдиргенине караганда, Түштүк Корея менен НАТО кибер коопсуздук кызматташтыгын арттыруу максатында жогорку деңгээлдеги сүйлөшүүлөрдү өткөрүштү.
Бейшемби күнү Сеулда өткөн кибер сүйлөшүүлөрдү Түштүк Кореянын Эл аралык кибер иштер элчиси Ли Тэ Ву жана НАТОнун башкы катчысынын инновация, гибрид жана кибер боюнча жардамчысы Жан-Чарльз Эллерман-Кингомбе жетектеди.
Эки тарап Индо-Тынч океан жана Европа-Атлантика аймактарындагы киберкоркунучтарга каршы күрөшүү жана киберкоопсуздук тобокелдиктерин баалоо боюнча кызматташтыкты арттырууну макулдашышты.
Түштүк Корея менен НАТО 2023-жылы киберкоопсуздук тармагындагы кызматташтыкты бекемдөө үчүн жогорку деңгээлдеги кибердиалогду баштаган.
Бул жагдай Түштүк Кореянын коргоо министри Ан Гю-бэк менен НАТОнун Аскердик комитетинин башчысы Жузеппе Каво Драгоне шейшемби күнү Сеул Коргоо Диалогунда коргонуу жана коргоо өнөр жайы боюнча кызматташтыкты күчтөндүрүү жолдорун талкуулаган соң болду.
Түштүк Кореянын Коргоо министрлигинин билдирүүсүнө караганда, Драгоне Түштүк Корея менен НАТОнун ортосунда "ар кандай чөйрөлөрдө, анын ичинде коргонуу жана аскердик алмашуу, маалымат алмашуу, кибермейкиндик, космос жана жасалма интеллект сыяктуу тармактарда тереңдеп кеңейе турган" конкреттүү кызматташтык жөнүндө макулдашты.
