АКШ президенти Дональд Трамп маалымат каражаттарын сынга алып, Иранга аскердик эмес ядролук объектилерди өнүктүрүү үчүн 30 миллиард доллар берүүнү колдогондугу кабарларды четке какты.

"Жалган жаңылыктар медиасында ким бул "Президент Трамп Иранга аскердик эмес атомдук объектилерди куруу үчүн 30 миллиард доллар берүүнү каалайт" деп ким айтты? Бул кандай акмактык? Бул — жалган маалыматтарды таратып, кадыр-баркымды түшүрүү үчүн ойлоп табылган дагы бир ЖАЛГАН! Бул адамдар ООРУЛУУ!!!» — деп жазды Трамп Truth Social платформасында.

Маалымат каражаттарынын билдирүүлөрүнө ылайык, Трамптын администрациясы Ирандын уран байытуу программасын токтотуусунун ордуна Ирандын тоңдурулган миллиарддаган долларлык активдерин бошотуу сыяктуу экономикалык стимулдарды сунуштоону караштырып жатат деп айтылууда. Бул маалымат сүйлөшүүлөргө катышкан үч булакка негизделген.

АКШ Ирандын атомдук программасына каршы жүргүзгөн кампаниясынын алкагында 22-июнда Фордо атомдук объектисине алты бункердик бомба таштады жана Натанз менен Исфахандагы дагы эки объектиге суу астындагы кемеден учурулган ондогон канаттуу ракеталар менен чабуул жасаган.

АКШ менен Ирандын ортосундагы алтынчы сүйлөшүү айлампасы 15-июнга белгиленген, бирок Израиль 13-июнда Ирандын аскердик, атомдукк жана жарандык объектилерине абадан сокку урду.

Израиль менен Ирандын ортосундагы 12 күндүк кагылышуу 24-июнда күчүнө кирген АКШ колдогон ок атышууну токтотуу менен аяктады.