Федералдык жетекчилер шейшемби күнү Канаданын АКШнын ыктмалдуу басып алуусуна каршы аскердик план түзгөнүн билдирди.
Бул кадам өлкөнүн түштүктөгү кошунасы менен расмий түрдө кагылышууну моделдештирүүсү акыркы бир кылымдан ашык убакыттагы биринчи учуру болуп саналат.
Жооп кайтаруу планы АКШнын президенти Дональд Трамптын шейшемби күнү "Truth Social" платформасында Канада менен Гренландиядагы чагымчыл Америка желегинин сүрөтүн бөлүшкөндөн кийин даярдалды.
Жетекчилер Канаданын АКШнын толук масштабдуу кол салуусуна каршы тура турган аскердик күчүнүн жок экендигин; ошондуктан пландын кичинекей аскердик клеткалардан жана жарандардан турган топтордун адаттан тыш жооп кайтаруусун карай турганын билдирди.
Жетекчилер планды талкуулоо укуктары болбогондуктан аттарын билдирбегендерин айтышты.
Сценарий бул топтордун америкалык баскынчыларга каршы буктурмаларды, дрондорду жана диверсияларды колдонуусун күтүүдө. Бул тактикалар ондогон жыл мурун Афган Талибаны тарабынан орустарга каршы, ал эми 20 жыл мурун АКШ күчтөрү жана алардын союздаштарына каршы колдонулган.
"Адамдар Канадада эмнелердин болуп жатканына кызыгышууда"
Жетекчилердин айтымында, Канаданын негизги аскердик аймактары эки күндөн бир жумага чейинки убакытта АКШ тарабынан басып алынышы мүмкүн.
Алар АКШнын аскердик чабуулунун ыктымалдуулугу төмөн экенин белгилешти, бирок федералдык өкмөт эң начар сценарий катары басып алууга каршы даярдык көрүүдө.
Канаданын Башкы штабынын башчысы, генерал Женни Кариньян 400 000 адамдан турган ыктыярдуу резервдик күч түзүүнү каалаганын билдирген.
Бийлик өкүлдөрү басып кирүү болгон учурда Франция жана Британия сыяктуу өзөктүк куралга өлкөлөрдүн Канадага жардам беришин күтүшөрүн билдиришти. Бул үч өлкө менен АКШ НАТОго мүчө өлкөлөр.
Афганистанда Канаданын аскер бөлүктөрүнө командирлик кылган отставкадагы генерал-майор Дэвид Фрейзер Канаданын коопсуздугу тууралуу пикирин билдирди. Анын айтымында: «Эгер Канадага кол салуу боло турган болсо, дүйнө коомчулугу да силерге каршы чыгарын билишиңер керек. Бул Гренландия маселесинен да олуттуу болот»,- деди.
Фрейзер: «Адамдар Канадада болуп жаткан окуяларга кызыгышууда, Венесуэладагыдай эмес», — деп кошумчалады.
Ал өлкөнүн эгемендүүлүгүн чыңдоо максатында Канада аймагында Германиянын кемелери менен Улуу Британиянын учактарын көрүүгө болорун да белгиледи.
