Орусиянын президенти Владимир Путин Орусия эч качан АКШнын же башка өлкөлөрдүн кысымына баш ийбей турганын айтып, Орусиянын аймагына кол салууларга жооп кайтаруу өтө олуттуу болорун эскертти.
Путин “АКШнын санкциялары "достукка жатпаган" аракет жана "белгилүү бир кесепеттерге алып келиши мүмкүн, бирок биздин экономикалык абалыбызга олуттуу таасир этпейт", - деди.
Орусиянын энергетика тармагынын өзүнө ишенгенин айткан Путин: "Бул албетте Орусияга кысым көрсөтүү аракети", - деп кошумчалады жана "Бирок өзүн сыйлаган эч бир өлкө жана өзүн сыйлаган эч бир адам кысым астында чечим кабыл албайт" деди.
Шаршемби күнү АКШ Орусиянын эң ири эки мунай өндүрүүчүсү "Роснефть" жана "Лукойл" компанияларына санкцияларды киргизди. Бул санкциялар АКШнын президенти Дональд Трамп кызматка кайтып келгенден бери Орусияга киргизилген биринчи санкциялар болду.
Путин дүйнөлүк энергетикалык рыноктордун туруксуздугу, өзгөчө АКШнын ички саясий күн тартибин эске алганда, АКШ сыяктуу өлкөлөр үчүн тынчсыздандыруучу баалардын өсүшүнө алып келиши мүмкүн экенин айтты.
Wall Street Journal гезитинин Трамптын администрациясы Украинанын Батыш өнөктөштөрү тарабынан берилген айрым алыскы аралыкка атуучу ракеталарды колдонууга чектөөнү алып салганы тууралуу билдирүүсүнө жана Украинанын президенти Владимир Зеленскийдин 3000 км аралыкка атуучу жергиликтүү өндүрүштөгү ракеталар боюнча билдирүүлөрү тууралуу суроого жооп берип жатып Путин: "Бул кырдаалды курчутуучу аракет", - деди.
"Диалог ар дайым чыр-чатактан же кандайдыр бир пикир келишпестиктен, өзгөчө согуштан жакшы. Биз ар дайым диалогду улантууну колдоп келгенбиз", - деген Путин эгерде Орусияга Украина сураган АКШнын "Томагавк" ракеталары менен кол салынса, алардын жообу "абдан күчтүү, ал тургай кыйратуучу" болорун кошумчалады.
