БУУ: Газадагы аялдар мене кыздар "эң кыйратуучу гуманитардык трагедиянын ичинде" жашап жатат
Бириккен Улуттар Уюмунун Аялдар түзүмүнүн жогорку даражалуу өкүлү Газадагы аялдар менен кыздардын абалын дүйнөдөгү эң оор гуманитардык кризистердин бири катары мүнөздөп, эл аралык коомчулукту бул маселе боюнча чара көрүүгө чакырды.
Бириккен Улуттар Уюмунун Аялдар түзүмүнүн жогорку даражалуу өкүлү Израилдин чабуулдарынан улам талкаланган Газа тилкесиндеги аялдар менен кыздар дүйнөдөгү эң трагедиялуу гуманитардык кризисти өткөрүп жатканын айтты.
БУУнун Аялдар түзүмүнүн саясат, программалар жана өкмөттөр аралык колдоо боюнча директору Сара Хендрикс Палестинадагы көптөгөн тургундар үчүн тирүү калуунун өзү күнүмдүк күрөшкө айланганын белгиледи.
Хендрикс Нью-Йорктогу БУУ башкы кеңсесиндеги маалымат жыйында: «Газадагы аялдар менен кыздар жашоо үчүн күрөшүү кадимки көрүнүшкө айланган, дүйнөдөгү эң коркунучтуу гуманитардык трагедияны баштан өткөрүп жатат», — деп билдирди журналисттерге.
Хендрикс БУУнун Башкы катчысы Антониу Гутерриштин согуштук аракеттерди токтотуу чакырыгын кайталап, Жакынкы Чыгыштагы аялдар менен тилектеш экенин билдирди.
Хендрикс БУУнун Аялдар түзүмү Газадагы аргасыз жер которуу, психологиялык травма жана коопсуздук маселелери менен күрөшүү үчүн аялдар жетектеген уюмдар менен кызматташып жатканын айтты.
Хендрикс Газадагы аялдардын муктаждыктары жөн гана аман калуу менен чектелбестигин, алар адамдык кадыр-барк, адилеттүүлүк жана өз келечегин кайра курууда жигердүү роль ойноону каалашарын баса белгиледи.
Сара Хендрикс эл аралык коомчулукту Газадагы аялдардын туруктуулугун жана лидерлигин гуманитардык жардам, коргоо жана эл аралык инвестициялар аркылуу колдоого чакырды.