АКШнын Мамлекеттик департаменти АКШнын атайын өкүлү Стивен Виткофф жана АКШнын президенти Дональд Трамптын расмий эмес кеңешчиси Жаред Кушнер эки жуманын ичинде алтынчы жолу украиналык жетекчилер менен жолугушуп, Россия менен согушту токтотуу боюнча кадамдарды талкуулашканын жарыялады.
Департамент "конструктивдүү" деп мүнөздөгөн эки күндүк сүйлөшүүлөргө Украинанын Улуттук коопсуздук жана коргонуу кеңешинин катчысы Рустем Умеров жана Башкы штабдын башчысы Андрей Гнатов катышты. Тараптар "Украинада узак мөөнөттүү жана адилеттүү тынчтыкка карай ишенимдүү жол картасын илгерилетүүгө" көңүл бурушту.
Умеров Украинанын артыкчылыгы "көз карандысыздыгын жана эгемендүүлүгүн сактаган, украиналыктардын коопсуздугун камсыз кылган жана гүлдөгөн демократиялык келечек үчүн туруктуу пайдубал түзгөн" чечимди ишенимге алуу экенин кайталады.
Сүйлөшүүлөрдө өзгөчө АКШнын орус жетекчилер өткөргөн акыркы сүйлөшүүлөрдүн жыйынтыктары жана төртүнчү жылына жакындаган кагылышууну токтото турган кадамдар каралды.
Вашингтон менен Киев чыныгы алдыга жылуунун "Россиянын узак мөөнөттүү тынчтыкка, чыңалууну азайтууга жана курмандыктарды токтотууга олуттуу милдеттенмесин көрсөтүүгө даяр экендигине" байланыштуу экендигин баса белгилешти.
Тараптар сүйлөшүүлөрдү мындан ары алдыга жылдыруу үчүн ишемби күнү кайрадан жолугушат.
