Шаршемби күнү эртең менен Израилдин Газага жасаган чабуулунан кеминде он эки палестиналык, анын ичинде алты бала набыт болду. Израилдин чабуулдары үйлөрдү жана жарандарды бутага алды.
Саламаттыкты сактоо булагынын маалыматына караганда, Газанын түндүгүндөгү Жибалия аймагында аль-Нажжар үй-бүлөсүнө таандык бир үйдүн бутага алынышынын натыйжасында 6сы бала 8 палестиналык каза болуп, көп сандаган киши жараланды.
Ал эми Газанын борборундагы Бурейж качкындар лагериндеги батирге жасалган кол салууда бир ата менен баласы каза болду.
Өлкөнүн түштүгүндөгү Хан Юнуста болсо карапайым калк чогулган аймактын бомбаланышынын натыйжасында бирөөсү аял эки палестиналык каза болуп, көп сандаган киши жараланды.
Шаршемби күнкү чабуулдар Израилдин март айынын башынан бери Газанын чек араларын гуманитардык жардамга жаап, согуштан жабыркаган аймакта азык-түлүк жетишсиздигин күчөтүп жаткан мезгилде болду.
Газа тилкесинде 19-январда күчүнө кирген ок атышпоо келишиминен кийин Израиль армиясы 18-март эртең менен кол салууларын кайра баштады. Бул процессте көбү карылар, аялдар жана балдардан турган 792ден ашуун палестиналык каза болуп, 1663төн ашуун киши жараланды.
Израилдин 2023-жылдын 7-октябрынан бери Газа тилкесине жасаган кол салууларында каза болгон палестиналыктардын саны 50 миң 144кө, жаралуулардын саны 113 миң 704кө жетти.
