Шейшемби күнү Грециянын маалымат каражаттары жазганына караганда, НАТОнун баш катчысы Марк Рютте Түркиянын Евробиримдиктин SAFE куралдануу программасына кошулуусун колдогонун билдирди.
"Катимерини" гезитинин европалык булактарга шилтеме кылып берген кабарында, Рюттенин бул колдоо билдирүүлөрү Еврокомиссия Түркиянын SAFEге кошулуу арызын бекиткенден кийин, өткөн бейшемби күнү ЕБнын элчилери менен болгон жолугушууда айтылганы белгиледи.
Маалыматка ылайык Рютте өзгөчө Евробиримдик менен Түркиянын кызматташтыгынын күчтүү НАТО үчүн өтө маанилүү экенин баса белгилеп, Түркиянын программага кошулуусу Анкаранын НАТО менен Евробиримдиктин ортосундагы маалымат бөлүшүү боюнча узактан бери келе жаткан каршылыгын жумшартууга жардам берерин айтты.
Рютте ошондой эле өлкөлөрдү Түркиянын аскердик мүмкүнчүлүктөрүн таанып, жакшы ниеттүү кадамдарды таштоого чакырды.
ЕБ лидерлери май айында кабыл алган SAFE шашылыш коргонуу сатып алууларын тездетүү үчүн атаандаштыкка жөндөмдүү баада узак мөөнөттүү насыяларды берет.
Бул программа Европа Комиссиясынын 800 миллиард евродон ашкан коргонуу бюджетин ишке ашырууну көздөгөн Rearm Europe Plan/Reaidness 2030 долбоорунун бир бөлүгү болуп саналат.
Насыялар Евробиримдикке мүчө мамлекеттерге гана берилгени менен Украина жана ЕЭА-ЕФТА өлкөлөрү да программанын алкагында биргелешкен сатып алууларга катышууга укуктуу.
