Пекин Украинанын президенти Владимир Зеленскийдин Кытайдын жарандарына каршы санкциялар тууралуу коркутуусун четке какты.

Тышкы иштер министрлигинин өкүлү Линь Цзянь шейшемби күнү Пекинде журналисттерге: "Кытай эл аралык укукту бузган жана Бириккен Улуттар Уюмунун Коопсуздук Кеңешинин уруксаты жок болгон бардык бир тараптуу санкцияларга ар дайым каршы", - деди.

Лин : "Украинаны каталарын тез арада оңдоого чакырабыз. Кытай кытайлык компаниялардын жана жарандарынын мыйзамдуу укуктарын коргойт",- дед.

Пекиндин бул билдирүүлөрү Зеленскийдин дүйшөмбү күнү Украинанын "бул жылдын аягына чейин орус активдерине жана Россиянын агрессиясын колдогондорго каршы бир нече кошумча санкциялар чечимдерин" даярдап жатканын айткандан кийин билдирилди.

Зеленский Xте жарыяланган билдирүүсүндө : "Россиянын аскердик-өнөр жай комплекси менен иштегендерге багытталган кеминде бир санкция пакети болот. Бул пакет бир гана Россиядан келген жеке адамдар гана эмес, айрыкча Кытайдан келгендерди да камтыйт", - деди.

Бирок, Кытайдын Тышкы иштер министрлигинин катчысы Лин кагылышуунун башынан бери Пекиндин "Россия, Украина жана бардык тиешелүү тараптар менен тыгыз байланышта" экенин айтып, "Кытай кагылышууну токтотууга жана тынчтык үчүн сүйлөшүүлөрдү алдыга жылдырууда чечкиндүү. Кытай тынчтыкка салым кошкон бардык аракеттерди колдойт жана конструктивдүү ролду ойноону",- деп кошумчалады.

Бразилия менен бирге Кытай Украина кризисин саясий жол менен чечүүнү максат кылган "Тынчтык достору тобун" түздү.