Европа Биримдиги (ЕБ) Орусияга каршы бүгүнкү күнгө чейинки "эң күчтүү" санкциялардын бири болгон жаңы пакетти бекитти. Пакет "Түндүк агым" куурлары аркылуу импорттоого тыюу салуу жана мунай экспортуна катуу чектөөлөрдү камтууда. Бул тууралуу жума күнү Евробиримдиктин тышкы иштер боюнча жогорку өкүлү билдирди.

Эстониянын премьер-министри Кая Каллас X платформасында "Чечкиндүүлүгүбүздү улантуудабыз. Евробиримдик Орусияга каршы эң күчтүү санкциялардын бирин бекитти" деди.

"'Түндүк агым' түтүктөрүнөн импортко тыюу салынат. Мунайга төмөнкү чектик баа киргизилет. Орусиянын аскердик өнөр жайына, санкцияларды айланып өтүүгө жардам берген кытай банктарына жана учкучсуз аппараттарда колдонулган технологиялардын экспортуна кысымды күчөтүп жатабыз," деп кошумчалады.

Евробиримдиктин Орусиянын “көмүскө флотуна” тиешеси бар дагы 105 кемеге санкция киргизип, орус банктарынын эл аралык каржылоого кирүү мүмкүнчүлүгүн чектей турганына көңүл бурган Каллас, Москвага киргизилген санкциялардын негизги себеби катары Орусия-Украина согушун көрсөттү жана “Кремлдин согуш бюджетин азайтып жатабыз”,-деди.

Каллас Евробиримдик биринчи жолу чет элдик желектүү реестрди бутага алганын жана Орусиянын “Роснефть” компаниясынын Индиядагы эң ири мунай иштетүүчү заводунун да санкциялар тизмесине киргизилгенин жарыялады.

«Биздин санкцияларыбыз украиналык балдарга идеологиялык жактан таасир эткендерди да камтыйт», - деген Каллас, «Чыгымдарды көтөрүүнү улантабыз, ушундайча Москва үчүн агрессияны токтотуу жалгыз вариант болуп калат »,-деди.