Эгей экспорттоочулар ассоциацияларынан алынган маалыматтарга ылайык, Түркия январь-май айларында 92 494 тонна жумуртка экспорттоп, 240 079 000 доллар киреше алды.

Ирак 47 577 000 доллар экспорт менен тармактын эң ири рыногу болуп, ал эми жылдын алгачкы беш айында эң олуттуу өсүш Европа рыногунда байкалды.

Өткөн жылдын январь-май айларында 2 204 000 долларды түзгөн Италияга жаслаган жумуртка экспорту быйылкы жылдын ошол мезгилинде 24 773 000 долларга чейин өскөн. Италияга жөнөтүлгөн жумуртканын көлөмү 1200 тоннадан 13 200 тоннага чейин өстү. Ушундайча Италияга экспорттун наркы 1024 пайызга, ал эми саны 1000 пайызга өстү.

Европанын жумуртка борбору Түркияга багыт алды

Европадагы алдыңкы жумуртка өндүрүүчүлөрдүн бири болгон Польшада куш тумоосунан улам өндүрүштүн төмөндөшү өлкөнүн импортун көбөйттү.

Өткөн жылдын алгачкы беш айында Польша Түркиядан 109 000 долларлык жумуртка импорттогон; бул көрсөткүч быйылкы жылдын ушул эле мезгилинде 19 681 000 долларга чейин өстү. Өлкөгө экспорттолгон жумурткалардын көлөмү 15 тоннадан 11 000 тоннага чейин көбөйдү.

Измир жумуртка өндүрүүчүлөр ассоциациясынын президенти Нериман Дере Чатмадаш Түркиянын жылына болжол менен 20 миллиард жумуртка өндүрөрүн билдирди.

Чатмадаш Түркиянын жумуртка өндүрүүчү алдыңкы 10 өлкөнүн катарына кирерин жана өндүрүшүнүн дээрлик 25% экспорттой турганын белгилеп, бул жерде өндүрүлгөн жумуртканын жогорку сапатын баса белгиледи.

Чатмадаш түрк өндүрүүчүлөрү акыркы жылдары тоют жана өндүрүш жаатында олуттуу тажрыйба топтогонун жана бул тармак чийки заттын сапаты жана жаныбарлардын ден соолугу жагынан олуттуу ийгиликтерге жетишкенин кошумчалады.

Түркия жумуртка өндүрүү боюнча дүйнөдө 9-орунда, ал эми Европада 2-орунда турат.