Иран шейшемби күнү Сауд Арабиясы жана Кувейтке карата дрондорду учурду. АКШнын президенти Дональд Трамптын согуштун мөөнөтү тууралуу бири-бирине карама-каршы келген билдирүүлөрү рыноктордогу туруксуздукту жана белгисиздикти күчөттү.
Сауд Арабиясынын Коргоо министрлиги чыгыштагы мунайга бай аймакта дрондорду жок кылгандарын билдирди. Кувейттин Улуттук Гвардиясы түндүктө жана түштүктө айрым дрондорду атып түшүргөндөрүн жарыялады.
Бириккен Араб Эмирликтеринин Коргоо министрлиги Ирандан келген ракета жана дрондук коркунучтарга каршы абадан коргонуу системалары иштеп жатканын «X» социалдык тармагы аркылуу билдирди.
Ирандын Перс булуңундагы өлкөлөргө жасаган акыркы кол салуулары Трамптын дүйшөмбү күнү кечинде республикачыл мыйзам чыгаруучуларга согуш "кыска операция" болорун айткандан кийин болду. Бирок бир нече сааттан кийин ал социалдык тармактарда Иран Ормуз кысыгын жабууга аракет кыла турган болсо, АКШнын чабуулдары күчөй турганын билдирди.
Трамптын сөздөрүнө Иран мамлекеттик медиасында жооп катары берилген билдирүүдө Төңкөрүш Гвардиясынын катчысы Али Мохаммад Наини буга жооп катары: «Согуштун качан бүтөөрүн Иран өзү чечет», — деди.
Египет мунай бааларынын өсүшүнө байланыштуу күйүүчү май баасын жогорулатты
Жакынкы Чыгыштагы согуштун кесепетинен мунай баасы кымбаттап, Египетте күйүүчү майдын баасы 17%га чейин көтөрүлдү.
Каирдин маалыматы боюнча, коомдук транспортто кеңири колдонулган дизелдин баасы 17%дан ашык, ал эми бензиндин баасы 14-15%га өстү.
Согуш мунай импортуна көз каранды болгон Египетке катуу сокку урду. Египет фунту АКШ долларына карата рекорддук деңгээлде (52ден жогору) төмөндөдү.
Согуштун кесепетин азайтуу үчүн өкмөт бир катар чараларды жарыялады, анын ичинде чет өлкөлөргө карата расмий сапарларды кыскартуу жана тармактарда күйүүчү май керектөөнү азайтуу.
Трамп Иран мунай танкерлерин токтото турган болсо катаал сокку урарына убада берди.
Трамп социалдык тармактагы баракчасына: "Эгерде Иран Ормуз кысыгында мунай агымын токтотууга багытталган кандайдыр бир кадам жасаса, анда АКШ тарабынан буга чейинки соккуларынан жыйырма эсе катуу сокку урулат", - деп жазды.
Ал бул эскертүүсүнүн аймактагы мунайга көз каранды болгон өлкөлөр менен бирге Кытай үчүн да «белек» экенин кошумчалады.
