Сириянын Коргоо министрлиги Халептин түндүгүндөгү бир нече райондо аскердик абалды токтотуу максатында ок атышууну токтотуу жарыяланганын билдирди.
Сириянын Араб жаңылыктар агенттиги тараткан билдирүүгө ылайык, ок атышууну токтотуу жергиликтүү убакыт боюнча жума күнү эртең мененки саат 03:00дөн баштап Эшрефия, Шейх Максуд жана Бани Зейд райондорунда күчүнө кирди, бул жетекчилердин райондордо көзөмөл орнотулганын жарыялагандан кийин к8ч8н- кирди.
Министрлик куралдуу топторго аскердик кырдаалды толугу менен токтотуу үчүн райондордон чыгып кетүүгө жума күнү саат 9:00гө чейин убакыт берилгенин билдирди.
Аталган билдирүү Ички иштер министрлигинин ПКК/ЙПГ террордук уюмунун чегинүүсүнөн кийин Сириянын ички коопсуздук күчтөрү Эшрефие районуна жайгаша баштаганын жарыялагандан кийин жасалды.
Жетекчилердин айтымында, бул жайгаштыруу Шейх Максуд жана Эшрефиядан көп сандаган YPG мүчөлөрү чыгып кеткенден кийин ишке ашкан, ал эми калгандары аймактан качып кетишкен.
Сирия армиясы Халептеги YPG позицияларын катуу жана максаттуу бомбалады; бийликтердин айтымында, мунун себеби уюмдун кеминде тогуз жарандын өлүмүнө жана ондогон адамдардын жаракат алышына алып келген кол салуулары болгон.
2025-жылдын 10-мартында Сириянын президенттик аппараты SDFти мамлекеттик мекемелерге интеграциялоону максат кылган, Сириянын жеринин бүтүндүгүн аныктаган жана кандайдыр бир бөлүнүү аракетин четке каккан келишимге кол коюлганын жарыялады.
Жетекчилер YPG террордук уюму ошол күндөн бери бир нече ай бою келишимдин шарттарын аткаруу үчүн эч кандай маанилүү кадамдарды таштабаганын билдиришти.
2024-жылдын 8-декабрында 24 жыл бийликте турган Башар Асаддын режими кулатылгандан кийин, өкмөт өлкө боюнча коопсуздукту калыбына келтирүү жана сактоо боюнча аракеттерин күчөттү.
