АКШнын президенти Дональд Трамп Түркиядан АКШга кайтып баратып Air Force One учагында журналисттерге берген маегинде, АКШнын Иранга каршы акыркы аскердик операциялары, НАТОнун Анкара саммити жана АКШ менен Түркиянын карым - катнаштары тууралуу баа берди.
Трамп АКШнын Иранга кол салуулары тууралуу: "Алар бизге ар бир сокку урган сайын, биз 20 эсе көп жооп кайтарарыбызды айткан элем жана кечээ түнү биз муну жасадык", — деди.
Ирандын бир нече кадам таштаганын бирок булардын АКШнын чабуулдарына жооп мүнөзүндө экенин белгилеп:"Аскердик жактан биз буга чейин эле жеңишке жетиштик. Аларда өтө аз нерсе калды", - деп кошумчалады.
Трамп : "Алар чындыыгнда келишим түзүүнү каалап жатышат. Жакында эле чалышты.Бирок мен алардын буга татыктуу же татыксыз экенине ишене албай турам. Ошондой эле түзүлө турган келишимди сактай турганына да ишеним жок. Маселе ушунда», — деп кошумчалады.
Ирандын коммерциялык кемелерге жасаган чабуулдары тууралуу суроолорго Трамп: "Чынын айтсам, бул бир аз акылсыздык. Алар бир аз туруксуз иш кылып жатышат, бирок ошентсе да келишим түзүүнү каалашат", - деп жооп берди.
"Түркия менен абдан жакшы соода келишимдерин түздүк"
Дональд Трамп Анкарадагы НАТО саммити абдан жемиштүү өткөнүн айтып, Түркия менен болгон карым - катнаштарды да мактады.
Трамп: "Биз мыкты эки күн өткөрдүк. Түркия менен абдан жакшы соода келишимдерин түздүк. Алар абдан жакшы өнөктөш болду",- деди. Түркиянын президенти Режеп Таййип Эрдоган тууралуу: "Өзү мыкты адам,- деп баа берди.
Трамп Сирия жана Украина лидерлери менен болгон сүйлөшүүлөрүнө ыраазы болду.
АКШ президенти саммит учурунда жолуккан Сириянын президенти Ахмед Шара жөнүндө да жакшы пикирлерин билдирди.
Трамп Шаранын өз өлкөсүн бириктирүүдө ийгиликтүү болгонун айтып: "Ал эң сонун иш жасады. Сирияны бириктирди",- деди.
Трамп ошондой эле Украинанын президенти Владимир Зеленский менен "абдан жакшы жолугушуу" өткөргөнүн айтты.
Анкарадагы НАТО саммитинде биримдик жана ынтымакка басым жасалды
Трамп саммитте европалык өнөктөштөрдүн коргонууга кеткен чыгымдар боюнча олуттуу кадамдарды жасаганын айтып: "Бүгүн чоң биримдик жана ынтымак болду. НАТО чындыгында узак жолду басып өттү",- деди.
АКШ көп жылдар бою альянстын ичинде адилетсиз каржылык жүктү көтөрүп келгенин айткан Трамп Европа өлкөлөрүнүн коргонууга кеткен чыгымдарын көбөйтүү жагынан жеңилдиктерге барганын айтты.
Трамп: "Бүгүнкү жыйында көптөгөн маселелер чечилди. Адамдар АКШга көптөн бери адилеттүү мамиле жасалбай жатканын түшүнүштү", - деди.
АКШнын президенти ошондой эле Иран маселеси "согуш маселеси эмес, Иранды ядролук куралдан арылтуу маселеси" экенин айтып: "Менимче, баары буга кубанышы керек",- деп кошумчалады.
