Түркиянын тышкы иштер министри Хакан Фидан менен Ирандын тышкы иштер министри Аббас Аракчи шаршемби күнү аймактык чыңалууну азайтууга карата чараларды талкуулашты.
Эки тышкы иштер министри шейшемби күнкү сүйлөшүүдөн кийин 24 сааттын ичинде экинчи жолу байланышка чыгышты.
Түрк дипломатиялык булактардын маалыматына караганда, телефондук сүйлөшүү учурунда Фидан аймактык чыңалууну азайтуунун жолу катары сүйлөшүүлөрдүн маанисин баса белгиледи.
Өткөн айдан бери Иранда риалдын наркы кескин түшүп кеткенине жана экономикалык абалдын начарлашына байланыштуу 28-декабрда Тегерандын Чоң базарында башталган нааразылык акциялары уланып келе жатат.
Нааразычылык акциялары андан соң башка башка шаарларга да жайылды.
Өкмөт өкүлдөрү АКШ менен Израилди "башаламандыктарды" жана "терроризмди" колдогон деп айыпташты.
Расмий маалыматтар боюнча курмандыктар жарыялана элек болсо да, АКШдагы адам укуктары боюнча топ коопсуздук күчтөрүн жана демонстранттарды кошкондо каза болгондордун саны 2550дөн ашканын, ал эми 1134төн ашуун адам жаракат алганын билдирди.
