Түркиялык активист, Глобалдык Сумуд флотилиясында болгон Эрсин Челик, Израил күчтөрү швед климат активисти Грета Тунбергди, миссиянын дагы бир катышуучусун, эл аралык сууларда кемелер кармалгандан кийин катуу кыйноого дуушар кылганын айтты.
Челик, ишемби күнү Стамбулга келгенден кийин CNN Turk телеканалына берген маегинде, Израил аскерлери 22 жаштагы Тунбергди камакта кармап турганда кемсинткен мамиле жасаганын билдирди.
“Израиль күчтөрү Гретаны биздин көз алдыбызда катуу кыйнашты. Алар аны азапка салышты, Грета болгону жаш бала. Аны жөрмөлөтүп, Израиль желегин өптүрүштү. Алар так ошол нацисттер кылган иштерди жасашты.” - деди Челик.
“Алар аны эл алдында көрсөтүштү. Ал белгилүү инсан болгондуктан, аны атайын бутага алышты.”
Гуманитардык жардам миссиясынын бир бөлүгү болгон жана эл аралык сууларда Израиль тарабынан кол салуу болуп, камакка алынган активисттерди ташыган учак ишемби күнү түштөн кийин Стамбул аэропортуна конду.
Учак Израилдин Эйлат шаарындагы Рамон аэропортунан чыгып, жергиликтүү убакыт боюнча саат 15:50дө (1250 GMT) Стамбулга жетти.
Гуманитардык флотилиядагы 137 адам, анын ичинде 36 түрк жана 23 малайзиялык жаран, бул учак менен келишти.
Тунберг депортацияланганбы же дагы эле Израилдин камагындабы, белгисиз бойдон калды. Ал дагы Газага гуманитардык жардам жеткирүүгө аракет кылган, бирок Израилдин деңиз күчтөрү тарабынан токтотулган Мадлин аттуу кеменин катышуучусу болгон.
