АК партиянын төрагасынын орун басары жана басма сөз катчысы Өмер Челик геноцидчи Биньямин Нетаньяхунун Түркиянын президенти Режеп Таййип Эрдоганга карата айткан сөздөрүн катуу айыптап, аларды "жараксыз жана негизсиз" деди.
Шейшемби күнү NSosyal аккаунтундагы билдирүүсүндө Челик Нетаньяхуну "геноцид тармагынын башчысы" деп сыпаттап, Кудс тууралуу "жалган кыялдарга" берилгенин айтты.
Челик кошумчалагандай, Нетаньяхунун сөздөрү жалпы адамзаттык баалуулуктарга каршы душмандыкты билдирет жана "адамзатка каршы фанатизмдин" натыйжасында адамдарга жана баалуулуктарга каршы жаңы геноцид кылмышын түзөт.
Ал мындай коркунучтарга каршы "адамзат биримдиги" тарабынан туура жооп кайтарылышы керектигин баса белгиледи.
Түркиянын президенти Режеп Таййип Эрдоган геноцидчи Биньямин Нетаньяхуну өткөн аптада Катардагы ХАМАС сүйлөшүү тобуна жасаган чабуулунан улам катуу сынга алып "Нетаньяху идеологиялык жактан Гитлердин тууганы", - деген эле.
Израилдин Катарга абадан кол салуусунан кийин Дохада өткөрүлгөн кезексиз Араб-Ислам саммитине катышып кайтып келе жатканда сөз сүйлөгөн Эрдоган «Гитлер өзүн күтүп турган жеңилүүнү алдын ала көрө албагандай эле, Нетаньяху да ошол эле тагдырга туш болот», - деп айткан.
