Министрликтин жазуу жүзүндөгү билдирүүсүндө Израилдин аймактагы экспансионисттик саясаты чыңалууну күчөтүп жатканы баса белгиленип, эл аралык коомчулук чара көрүүгө чакырылды.

Билдирүүдө Израилдин сөз болуп жаткан линия боюнча кылгандары 1974-жылдагы Күчтөрдү ажыратуу боюнча келишимге доо кетирип жатканы белгиленип, булар айтылды: "Израилдин Сириянын Кунейтра провинциясындагы "Суфа 53 линиясы" деп аталган жерде ишин кайрадан баштап, 1974- Күчтөрдү ажыратуу боюнча келишимди бузуп, Сирияда жаңы фактыларды жаратуу аракеттерин катуу айыптайбыз.

Израилдин аймакта чыңалууну күчөткөн экспансионисттик саясатын токтотуу жана оккупацияланган Сирия аймактарынан чыгып кетиши үчүн эл аралык коомчулукту кечиктирбестен натыйжалуу жана чечкиндүү кадам таштоого чакырабыз. Түркия Сириянын эгемендүүлүгүнө, саясий биримдигине жана аймактык бүтүндүгүнө бекем колдоо көрсөтүүнү, аймактагы өлкөлөр менен бирге бул багытта зарыл болгон кадамдарды таштоону улантат".