Стамбулда өткөрүлгөн Эл аралык Коргоо өнөр жай жарманкеси (IDEF) 2025 алкагында Улуттук Коргоо министрлиги менен Вьетнам Социалисттик Республикасынын Коргоо министрлигинин ортосунда коргонуу тармагында кызматташуу протоколуна кол коюлду.

Шейшемби күнү улуттук коргоо министринин орун басары Муса Хейбет кол коюу аземинде сөз сүйлөп: «Вьетнамдын Коргоо министрлиги менен Улуттук Коргоо министрлигибиздин ортосундагы бул коргонуу жана коопсуздук кызматташтыгы бизге дагы көптөгөн башка өнөктөштөр менен келечекке багытталган долбоорлорду жана кызматташтыкты өнүктүрүүгө жол ачат деп ишенем»,-деди.

Хейбет Түркиянын коргоо өнөр жай иш каналары менен Улуттук Коргоо министрлигинин Вьетнамдын аба, кургактык жана деңиз платформаларына толук колдоо көрсөтө турганын айтты.

Вьетнамдын улуттук коргоо министринин орун басары генерал-лейтенант Хоанг Суан Чиен мунун Вьетнам жана Түркия үчүн тарыхый учур экендигин билдирди.

"Учурда Вьетнам менен Түркиянын ортосунда тарыхый учурду жашап жатабыз. Коргоо тармагындагы кызматташтык келишимибизге кол койдук. Мындан ары дагы көптөгөн темаларда кызматташуу тарыхына жана жаңы бөлүмгө күбө болобуз. Жарманкеңиздерде мындан ары да ийгиликтерди каалайбыз. Түркия менен союздаш болуу үчүн колубуздан келгендин баарын аткарууга даярбыз",- деди.

Шейшемби күнү башталган алты күндүк коргонуу жарманкеси бир убакта Стамбул жарманке борборунда (IFC), Ататүрк аэропортунда, Wow мейманканасында жана Атакөй Маринасында өтүүдө.

Жарманке Коргоо өнөр жайынын төрагалыгы (SSB) жана Түрк куралдуу күчтөрү фондунун (TSKGV) жетекчилиги жана жоопкерчилигинде KFA тарабынан уюштурулууда.