Шаршемби күнү жергиликтүү басма сөздө жарыяланган маалыматтарга караганда, Тайланддын Юстиция министри, генерал-лейтенант Руттапон Наоварат өлкөнүн мурунку премьер-министри Таксин Чинаваттын королдук мунапыс менен камак жазасынын калган бөлүгүн өтөөдөн бошотулганын жарыялады.
9-сентябрда жазасы аяктай турган Таксин шарттуу түрдө көзөмөл астында эле.
Королдуктун мунапыс жарлыгына ылайык, жаза мөөнөтүнүн бүтүшүнө бир жылдан аз убакыт калган жана шарттуу түрдө бошотулган адамдар, белгиленген чектөө категорияларына кирбесе, толугу менен бошотула алат.
"Thai Enquirer" маалымат сайтындагы кабарга караганда, Руттапон аймактык комитеттердин жарлыкты аткаруу үчүн зарыл болгон административдик процедураларды аягына чыгарышы керектигин, бирок Таксиндин электрондук билериги мунапыс күчүнө киргенден кийин дароо чечилиши мүмкүн экенин айтты.
Бул чечим менен бирге көптөгөн жылдарга созулган ыктыярдуу сүргүндөн кийин 2023 - жылдын август айында Таиландга кайткан Таксинге жасалган мыйзамдуу чектөөлөр пландалгандан мурда токтоду.
Өлкөнүн эң таасирдүү жана коомду экиге бөлгөн саясий фигураларынын бири болгон Таксиндин өлкөсүнө кайтып келишинен кийин өтөй баштаган абак жазасы, буга чейин да королдук мунапыс менен жеңилдетилген.
Таксин бир жылдык жазасынын сегиз айын аяктагандан кийин май айында шарттуу түрдө бошотулуп, электрондук көзөмөл билеригин тагынуу жана соттук көзөмөл шарттарын сактоо талабы коюлган.
Акыркы королдук мунапыс Таксиндин жаза мөөнөтү 2026-жылдын 9-сентябрында аякташына бир нече ай калганда, анын шарттуу түрдө бошотуу боюнча бардык милдеттенмелерин расмий түрдө жокко чыгарды.
