Трамп социалдык медиадагы эсебинен бул тууралуу маалымат берди.

Президент Трамп: «Иран жыйын өткөрүүнү суранды. Дохада эртең жыйын өтөт», — деди.

АКШнын "Axios" маалымат сайты аты-жөнүн атагысы келбеген жогорку кызматтагы америкалык жетекчиге таянып, АКШ менен Иран бири-бирине жасаган чабуулдарды токтотуу боюнча макулдашып, Ормуз кысыгындагы пикир келишпестиктерди чечүү үчүн 30-июнда Катарда сүйлөшүүлөрдү пландап жатканын кабарлаган.

Иран менен АКШнын ортосунда Швейцарияда макулдашуу протоколу боюнча сүйлөшүүлөр

Катар менен Пакистандын ортомчулугунда Иран менен АКШнын ортосунда Швейцарияда өткөрүлгөн сүйлөшүүлөрдүн алгачкы айлампасы 21-июнда аяктады. Сүйлөшүүлөрдүн жүрүшүндө 14 беренеден турган өз ара түшүнүшүү меморандумун ишке ашыруунун техникалык деталдары талкууланды.

Ортомчу өлкөлөр — Катар менен Пакистандын Тышкы иштер министрликтери жарыялаган биргелешкен билдирүүдө, тараптар кол коюлган меморандумга ылайык "ортомчулук аракеттердин саясий багыттарын көзөмөлдөө үчүн жогорку деңгээлдеги комитет түзүүнү макулдашканы" маалымдалды.

Ошондой эле тараптар 60 күндүн ичинде акыркы келишимге жетишүүнү көздөгөн жол картасын бир добуштан жактырышканы белгиленди.