Түркиянын коргоо өнөр жайы башкармалыгынын башчысы Халук Гөргүн шейшемби күнү Түркиянын коргонуу жана аэрокосмостук экспорту 2025-жылдын алгачкы 10 айында өткөн жылдын тийиштүү мезгилине салыштырмалуу 31 пайызга өсүп 6,7 миллиард долларга жеткенин билдирди.

Бул өсүш менен бирге коргонуу жана авиация секторунун Түркиянын жалпы экспортундагы үлүшү 3,5 пайызга жогорулады.

Халук Гөргүн түрк социалдык медиа платформасы NSosyal баракчасындагы билдирүүсүндө: "Биздин сектордогу бул туруктуу экспорттук ийгилик - дүйнө жүзү боюнча жүргүзүп жаткан коргоо өнөр жайы кызматташтыгы иш-аракеттеринин жемиши болуп саналат. Бул аракеттерди ошол эле чечкиндүүлүк менен улантып жатабыз", - деди.

Түркиянын жылдын алгачкы 10 айындагы жалпы экспорту өткөн жылдын тийиштүү мезгилине салыштырмалуу 3,9 пайызга өсүп 224,6 миллиард долларга жетти.