Түркиянын биринчи пилотсуз суу үстүндөгү аппарат (USV) өндүрүүчүсү ULAQ Global Autonomous Systems компаниясы Сауд Арабиянын Мамлекеттик инвестициялык фондунун (PIF) туунду фирмасы SAMI Autonomous компаниясы менен пилотсуз деңиз системалары боюнча кызматташтыкты бекемдөө үчүн келишимге кол койду.
Эр-Риядда өткөн 2026-жылдагы Дүйнөлүк коргонуу көргөзмөсүндө (WDS) кол коюлган келишим Сауд Арабияда пилотсуз деңиз системаларын долбоорлоо, иштеп чыгуу, өндүрүү, системаны интеграциялоо жана тейлөө жаатында комплекстүү кызматташтык алкагын түзүүгө багытталууда.
Сауд Арабияда түзүлгөн бул кызматташтык өлкөнүн деңиз жана коргонуу мүмкүнчүлүктөрүнө олуттуу салым кошот жана Vision -2030 максаттарына дал келет.
ULAQ Global компаниясынын башкаруу кеңешинин мүчөсү Керем Калафатоглу Anadolu агенттигине, эки компаниянын ортосундагы келишим негизинен биргелешип иштеп чыгууга, технологияларды өткөрүп берүүгө жана жергиликтүү өндүрүшкө багытталганын билдирди.
«Иш-аракеттерибиз Сауд Арабияда гана эмес, дүйнө жүзү боюнча уланууда», - деген Калафатоглу: «Бул демилге бизге туруктуу кирешелүүлүккө жетүү мүмкүнчүлүгүн берет жана ULAQ USV аппараттарын Сауд Арабияга гана эмес, дүйнөнүн калган бөлүгүнө экспорттоону көздөп жатабыз» деп айтты.
Түркиялык ULAQ Global компаниясы өз тажрыйбасы менен Сауд Арабиядагы жергиликтүү USV өндүрүшүнө салым кошот.
Керем Калафатоглу: «Ишмердүүлүгүбүз бул жерде, Европада жана АКШда уланууда. ULAQ Global компаниясын дүйнөлүк масштабда өстүрүүнү көздөйбүз», - деди.
