Италиянын президенти Серхио Маттарелла Италиянын ANSA маалымат агенттигинин маалыматы боюнча, эгерде Европа жалпы коргонуу түзүмүн түзө албаса "олуттуу кесепеттерге" алып келерин айтты.
Маттарелла Италия-Испания диалог форумунун катышуучуларына кайрылып:"Бүгүн жалпы европалык коргонууну түзүүдөгү ийгиликсиздик интеграция процессиндеги кыймылсыздыктын бардык трагедиялуу кесепетин көрсөтүүдө", - деди.
Ал биргелешкен коргонууну түзүүдө улантып жаткан «кечикүүлөргө» көңүл буруп, Европа Биримдигинен «көрөгөчтүк” жана «шашылыш түрдө» аракет кылууну талап кылды.
«Дүйнөлүк кыйынчылыктардын барган сайын татаалдашып баратышы жана геосаясий чөйрөнүн атаандаштыгы күчөгөн бул тарыхый мезгилде Италия менен Испаниянын кызматташтыгы Европанын эл аралык аренада алдыңкы ролду ойношун камсыз кылуу үчүн абдан маанилүү», - деп кошумчалады ал.
Маттарелла ошондой эле Европанын өсүү жана мүмкүнчүлүк түзүү жөндөмдүүлүгүн күчөтүү "зарыл" экенин кайталап, экономикалык пайдаларга адилеттүү жеткиликтүүлүктү камсыз кылуунун маанисин баса белгиледи.
