Газиантепте Камил Ожак спорт залында өткөрүлгөн программага видебилдирүү жөнөткөн Эрдоган: “Көңүл жана маданият географиябыздын төрт тарабында Нооруз кубанычын тең бөлүшкөн бардык боордошторумду куттуктайм», — деди.
Нооруз жаздын жарчысы жана жаратылыштын кайра жаралуусунун символу экенин белгилеген Эрдоган, бул маанилүү күн Түркияга, аймакка жана бүткүл адамзатка тынчтык, бейпилдик жана бакубатчылык алып келишин тиледи.
Нооруздун бир гана Түркияда эмес, коңшу аймактарда да жаңы башталыштардын символуна айланганын айткан Эрдоган: «Биздин 81 дубаныбыздын баарында жана түрк дүйнөсүнүн төрт тарабында бирдей сезимдер менен Нооруз отунун айланасында чогулуп жатабыз»,- деди.
Түркия 2026-жылы 13-Үй-бүлө кеңешинин саммитине кожоюндук кылаарын эске салган Эрдоган, билдирүүсүндө кеңири географияга кайрылып, Азербайжандан Казакстанга, Кыргызстандан Өзбекстанга, Түркмөнстандан Түндүк Кипр Түрк Республикасына жана Венгрияга чейинки бардык дос жана боордош элдерди Нооруз майрамы менен куттуктады.
Эрдоган аймактагы кагылышууларга өзгөчө көңүл буруп: «Сирия, Ирак жана бүгүнкү күндө согуш алып келген көйгөйлөр менен күрөшүп жаткан ирандык боордошторубузду да Нооруз майрамы менен куттуктайм. Бул маанилүү күн аймагыбыздагы согуштардын токтошуна себепчи болушун тилейм»,- деди.
Президент Эрдоган сөзүн: “Жаздын жарчысы Нооруздун жүрөгүбүзгө үмүт, коомубузга тынчтык, дүйнөбүзгө бейпилдик алып келишин каалайм», — деген сөздөр менен аяктады.
