АКШнын президенти Дональд Трамп Израильдин премьер-министри Биньямин Нетаньяхунун Түркияга F-35 учагын сатууга каршы чыгуусуна байланыштуу «Эч ким мага кимге эмнени сатышыбыз же сатпообуз керектигин айтпасын. Түркия биздин чоң өнөктөшүбүз» деп билдирди.
Трамп Вашингтондон Мичиганга баратып учакта журналисттердин актуалдуу суроолоруна жооп берди.
Бир журналист Нетаньяхунун Түркияга F-35 учактарын сатууга каршы чыкканы жөнүндө эскерткен суроо узатканда Трамп жооп берди.
АКШ президенти: «Түркия мен үчүн мыкты өнөктөш болду. Президент Режеп Таййип Эрдоган менин досум. Эч ким мага кимге эмнени сатышыбыз же сатпообуз керектигин айтпасын. Түркия биздин чоң өнөктөшүбүз» деп билдирди.
Трамп Түркия менен Израилдин ортосундагы маселелер баарына белгилүү экенин айтып, (NATO саммитине байланыштуу) Анкарага болгон визити абдан жакшы өткөнүн белгиледи: «Түркия сонун жана абдан күчтүү өлкө. Алардын армиясы укмуш, өтө чоң жана күчтүү армия. Аларда көптөгөн мыкты жабдуулар бар» деди.
