Илон Масктын социалдык медиа платформасын эки жылдан бери жетектеп келе жаткан X компаниясынын башкы директору Линда Яккарино кызматтан кетерин билдирди.
Яккарино шаршемби күнү мурда Twitter деп аталган компаниядагы ишмердүүлүгү тууралуу оң маанайдагы билдирүү жарыялап, мындай деди: “Эң жакшы күндөр али алдыда, анткени X Grok чатботунун жаратуучусу Масктын жасалма интеллект компаниясы xAI менен жаңы мезгилге кирет”.
СУНУШТАЛАТ
Маск 2022-жылдын аягында Твиттерди 44 миллиард долларга сатып алгандан кийин 2023-жылдын май айында жарнама тармагында тажрыйбалуу адис болгон Яккаринону жумушка алган.
Ошол учурда Маск Яккаринонун негизги милдети компаниянын бизнес операцияларын башкаруу болорун, ал эми өзү дизайн жана жаңы технологияларга көңүл бурарын айткан.
